Maischnee Les Pléiades

23. Mai

Bericht

Maischnee Les Pléiades

Afangs Wuchä hend miär vo dä Event Leitäri Anna-Barbara äs Email übärcho. Sie hed üs Oriäntiärt wägäm Samschtig und Teilnähmärlischtä zuägschickt. Sie het ächli bedänkä ghah wägäm Schnee wo där Wättärbricht glafärät hed. Sie wird üs erscht am Dumschtig definitif brichtä öbmär göhnd odär nid.
Am Dunschtig han ich duä där Wättärbricht au glugät. Wättär guät, abär Bisä 30-35 Schtundäkilometär.
Das gid miär äschöni Gschicht wänn diä Blüämli vor minä Augä umätanzid. Muättär Natur hed äs färmuädlich nid äso gäräh wämä 1 vo ihrä Gschöpfli midäm Makro undärs Röckli lugäd.

Am Samschtig bi herlichäm Wättär bin ich richtig Parkplatz (1206m) abdrudläd. Und bin duä z`Fuäss bis zu üsäm Abmachigs-Ziel Bärgschtation "Les Pleiades". So am Rucksack ah, muäss das au än Fötälär sie---Äs isch där André. Miär hend duä ächli brichtät übärs Fötälä bis där andär Hufä adrudlät. Am chirbschä a chund das Bähndli midäm reschtä Fötälär. Üsi Leitäri macht Apäll. Ubs mis Natel brumläd und där reschdä vo üsäm Grüpli isch am andärä Ändi. Das Navigräd het halt nid gwüsst das äs Schtuck hindä diä Schtrass gschperd isch. Anna-Barbara duäd üs nu ufklärä was miär dörfid und nid söllid.


Chum sind miär abzodlät isch där Fredi mit där Maschinä scho am abtrückä. Där nöchschti Träffpunckt isch das Beitzli "La Cha" odär wiä das heisst. Bin där letschti gsi wo acho isch. Han mit dä Röckli usinnig Broblem ghah. Nöchschti Träffpunkt isch diä Alphüttä wo miär dän au öbis üsäm Rucksack dönd Habärä. Sandra, warum laufsch du hindärsi där Bärg abä? Miär duäd das Chnüh weh und wän ich hindärsi abälaufä duäd äs miär wenigär weh. So jetzt sind miär alli bim Mittagsplatz idrudläd.

Plötzlich schwirrd än komischä Satzt idär Luft. Wer schriebt där Bricht vo dem Event? Todischtilllli! André gaht am Mittwuchä für 5 Wuchä nach Canada. Also au nid. Plötzlich chund äs Schtimmli vo där Jeannett. Wisäl machsch du das Prichtli. Oh nei mit was dänn, isch mini Antwort. Widär Todischtilli! Widär das komischi Schtimmli vo dä Jeannett. Wisäl machsch du das Brichtli. Ich han duä gmeind diä wo nid uf där Amäldilischtä sind?! Und das isch au nüd gsi.

Miär hend duä diä letschti Etapä undär d  Füäss gnuh und hend diä letschdä Bildär gmacht.
Ich glaubä miär alli dankät üsärä Leitäri Anna-Barbara für dä schöni Tag.

Alois Rickenbacher

Bildeindrücke